06 तर्ज;-तू बोल बोल रे बोल तमूरा भाई रे -मारवाडी -लाल सोट
www.rajubagra.blogspot.com
तू बोल बोल रे बोल तमूरा भाई रेजिवडा न जीणों सिखाई रे
तू बोल तमूरा भाई रे '''''''बोल
१
साँची साँची बोल तमूरा -कुण थारो संगी साथी -२
कुण इसो जो मरबा पाछ -थार संग संग जासी
तमूरा भाई रे
मरघट तक साग जासी
त न बाल बे पाछा आसी
त न भलो बुरो बे केसी
थारी सम्पति बाँट बे खासी
थार कर्मा रो बोझो बाँटण न -त न अंगुठो दिखासी
बावला भाई रे -जिवडा न जीणों सिखाई रे '''''''''बोल
२
आँख स्यूं गीड,कान स्यूं कीटी नाक स्यूं सेडो आव -२
इण काया र हर छेदा स्यूं मैल ही बाहर आव
तमूरा भाई रे
काया म मत रम जाई रे
काया तो मैल री ढेरी
बदबू मार बहुतेरी
तूं मल मल साबूण खूब नहाव - साफ नहीं आ हुयी
बावला भाई रे -जिवडा न जीणों सिखाई रे ''''''''''''''''बोल
३
तीन लोक म कर्म न ,सब स्यूं ताक़तवर बतलाव -२
कर्म कोई न छोड़ कोनी,तीर्थन्कर दुःख पाव
तमूरा भाई रे
तू कर्मा स्यूं घबराई रे
जे चोखा कर्म क र लो
स्वर्गा म पाँव धर लो
जे खोटा कर्म करय्या तो ,नरक निगोद म जाय पड़ लो
बावला भाई रे -जिवडा न जीणों सिखाई रे ''''''''''''''''''''''''बोल
रचयिता -राजू बगडा-ता;-१५.०१.२००६
www.rajubagra.blogspot.com
